वॉशिंग्टन, ८ जून — समुद्रावर कायमस्वरूपी तरंगणारे आणि अणुऊर्जेवर चालणारे जगातील पहिले ‘Floating City’ उभारण्याची महत्त्वाकांक्षी योजना पुन्हा एकदा चर्चेत आली आहे. Freedom Cruise Line International च्या Freedom Ship प्रकल्पानुसार, सुमारे ८०,००० लोकांची क्षमता असलेले स्वयंपूर्ण तरंगते शहर समुद्रात उभारण्याचा प्रस्ताव आहे.
🚢🌊 जगातील पहिले अणुऊर्जेवर चालणारे ‘तरंगते शहर’?
📍 तब्बल ८०,००० लोकांची क्षमता
🏙️ समुद्रावरच संपूर्ण शहर
🎓 शाळा, रुग्णालये, स्टेडियम
⚛️ Nuclear Power वर चालणारFreedom Ship पुन्हा एकदा जागतिक चर्चेचा विषय ठरले आहे.
🌐https://t.co/oEfAkXCcc5#FloatingCity #FreedomShip pic.twitter.com/xD2OfEHfdG
— Kalyan Vaibhav News (@KalyanVaibhav10) June 8, 2026
प्रस्तावित Freedom Ship हे पारंपरिक क्रूझ जहाज नसून, समुद्रात सतत प्रवास करणारे पूर्ण विकसित शहर असेल. या प्रकल्पात सुमारे ५०,००० कायमस्वरूपी रहिवासी, १०,००० पर्यटक आणि २०,००० कर्मचाऱ्यांची व्यवस्था करण्यात येणार असल्याचा दावा करण्यात आला आहे.
सुमारे १.६ ते १.८ किलोमीटर लांबीच्या या महाकाय तरंगत्या शहरात :
- निवासी संकुले
- शाळा व महाविद्यालये
- रुग्णालय
- हॉटेल्स
- शॉपिंग सेंटर्स
- उद्याने
- संग्रहालये
- वॉटर पार्क
- १५,००० आसनक्षमतेचे क्रीडा स्टेडियम
अशा सर्व नागरी सुविधा उपलब्ध असतील.
विशेष म्हणजे, हा प्रकल्प अणुऊर्जेवर (Nuclear Power) चालविण्याची संकल्पना मांडण्यात आली आहे. प्रकल्प समर्थकांच्या मते, एवढ्या मोठ्या समुद्री शहराला दीर्घकालीन ऊर्जा पुरवण्यासाठी अणुऊर्जा सर्वात प्रभावी पर्याय ठरू शकतो.
Freedom Ship ही संकल्पना नवीन नसून, अमेरिकन अभियंता Norman Nixon यांनी १९९० च्या दशकात प्रथम मांडली होती. अनेक वर्षे हा प्रकल्प कागदावरच राहिला. मात्र आता Freedom Cruise Line चे CEO Roger Gooch यांनी या संकल्पनेला नव्याने पुढे आणले असून निधी उपलब्ध झाल्यास प्रकल्प प्रत्यक्षात आणण्याचा दावा केला आहे.
या प्रकल्पाची अंदाजित किंमत सुमारे १६ अब्ज डॉलर (सुमारे ₹१.३ लाख कोटींहून अधिक) असल्याचे सांगितले जात आहे. तथापि, अद्याप प्रकल्पाच्या बांधकामाला अधिकृत सुरुवात झालेली नाही आणि तो सध्या नियोजन व निधी उभारणीच्या टप्प्यात आहे.
तज्ज्ञांच्या मते, एवढ्या मोठ्या प्रमाणातील तरंगते शहर उभारणे हे अभियांत्रिकी, पर्यावरण, सुरक्षा, आंतरराष्ट्रीय कायदे आणि वित्तपुरवठा या दृष्टीने अत्यंत आव्हानात्मक आहे. त्यामुळे हा प्रकल्प प्रत्यक्षात साकार होईल की नाही, याबाबत अद्याप अनिश्चितता कायम आहे.